Gallup á Íslandi

Starfsfólk Gallup býr yfir áratuga reynslu og þekkingu á sviði rannsókna sem gerir því kleift að velja þær rannsóknaraðferðir sem best eiga við hverju sinni.

Með eigin vöruþróun og samvinnu við erlend rannsóknarfyrirtæki getum við boðið staðlaðar eða sérhannaðar lausnir fyrir fyrirtæki og hagsmunasamtök af öllum stærðum og gerðum. Allar byggjast þessar lausnir á viðurkenndum rannsóknaraðferðum. Starfsfólk Gallup leggur metnað sinn í að skilja umhverfi viðskiptavina sinna og veita þeim innsýn í hlutina, sem er grunnurinn að árangursríkum ákvörðunum.

Við erum aðilar að Gallup International og tökum mið af gæðastöðlum sem samtökin hafa þróað síðastliðna áratugi. Gallup fékk opinbera ISO vottun í júní 2004 og tekur ISO 9001 gæðastaðallinn til allrar starfsemi Gallup.

Gallup leggur mikið upp úr trúnaði og öruggri meðferð persónuupplýsinga. Í allri framsetningu á niðurstöðum er þess gætt að ekki sé hægt að rekja svör til einstakra svarenda. Allir starfsmenn hafa skrifað undir trúnaðar- og þagnareið, sem á jafnt við gagnvart svarendum og viðskiptavinum.
Við störfum einnig eftir ströngum siðareglum sem settar eru af alþjóðasamtökum markaðsrannsóknafyrirtækja ESOMAR. Við virðum þau lög sem Persónuvernd starfar eftir og setur um geymslu og meðferð persónuupplýsinga og tilkynnum Persónuvernd um þær kannanir sem lög kveða á um.

Saga Gallup

Grunnurinn að Gallup á Íslandi var lagður árið 1990 þegar rannsóknarfyrirtækið Íslenskar markaðsrannsóknir var stofnað. Tveimur árum seinna fékk fyrirtækið umboðið fyrir Gallup á Íslandi.

Sérhæfing þessa fyrirtækis var á sviði markaðsrannsókna og strax á fyrstu árunum gat það sér gott orð fyrir vandaða og trausta aðferðafræði í sínum könnunum. Samstarfið við Gallup International hefur reynst sérstaklega mikilvægt, en Gallup er eitt af elstu og traustustu rannsóknarfyrirtækjum heims.

Gallup á Íslandi hefur einnig tengingar við fleiri alþjóðleg rannsóknarfyrirtæki. Þar má meðal annars nefna TNS, Kantar Media og comScore.