ljosid_styrkur
fimmtudagur - 15. desember

Styrkur til Ljóssins

Gallup veitti Ljósinu styrk að upphæð 150.000 kr. í dag. Styrkurinn er veittur fyrir hönd þeirra meðlima í Viðhorfahópi Gallup sem ánöfnuðu umbun sinni fyrir þátttöku í könnun til Ljóssins.

Ljósið er endurhæfingar- og stuðningsmiðstöð fyrir fólk sem hefur fengið krabbamein og aðstandendur þeirra. Markmið Ljóssins er að fólk fái sérhæfða endurhæfingu- og stuðning, þar sem fagfólk aðstoðar við að byggja upp líkamlegt og andlegt þrek, auk þess að fá stuðning við að setja sér markmið sem auka daglega virkni og hafa þannig áhrif á lífsgæði almennt.

Á meðfylgjandi mynd má sjá Ernu Magnúsdóttir veita styrknum viðtöku fyrir hönd Ljóssins úr höndum Sóleyjar Valdimarsdóttur starfsmanns Gallup.