Capacent Rannsóknir hafa á að skipa starfsfólki sem býr yfir áratuga reynslu af markaðs- og viðhorfsrannsóknum. Síðan 1992 hefur rannsóknarsviðið starfað undir merkjum Gallup sem þekkt er um allan heim sem brautryðjandi rannsóknarfyrirtæki sem leggur áherslu á að fylgjast með þjóðfélagsbreytingum, viðhorfum fólks og hegðun.
Rannsóknir á ánægju viðskiptavina og starfsmanna fyrirtækja miða að því að veita fyrirtækjum og stofnunum upplýsingar sem nýtast stjórnendum þeirra til að hámarka arðsemi sína. Með eigin vöruþróun og samvinnu við erlend rannsóknarfyrirtæki býður Capacent staðlaðar eða sérhannaðar lausnir fyrir fyrirtæki, stofnanir og hagsmunasamtök af öllum stærðum og gerðum. Allar byggjast þessar lausnir á viðurkenndum rannsóknaraðferðum.
Capacent er aðili að Gallup International og vinnur samkvæmt gæðastöðlum sem samtökin hafa þróað síðastliðna áratugi. Capacent fékk opinbera ISO vottun í júní 2004 og tekur ISO 9001 gæðastaðallinn til allrar starfsemi Capacent Rannsókna. Nánar um gæðastefnu.
Capacent tekur reglulega þátt í alþjóðlegum könnunum á vegum Gallup International Voice of the People og WIN alþjóðlegra samtaka óháðra markaðsrannsóknarfyrirtækja sem fyrirtækið er einnig aðili að.
Capacent leggur áherslu á persónuvernd og trúnað við alla þá sem þátt taka í rannsóknum fyrirtækisins. Strangar reglur gilda um geymslu og meðferð persónuupplýsinga og tilkynnt er um kannanir og rannsóknaraðferðir til Persónuverndar eftir því sem lög kveða á um. Capacent starfar einnig eftir ströngum siðareglum sem settar eru af alþjóðasamtökum markaðsrannsóknarfyrirtækja ESOMAR.