Fylgi flokka breytist lítið milli mánaða, eða um á bilinu 0,1-1 prósentustig. Liðlega 29% kysu Samfylkinguna ef kosið yrði til Alþingis í dag, rösklega 20% Sjálfstæðisflokkinn, rúmlega 10% Pírata, tæplega 9% Miðflokkinn, tæplega 8% Viðreisn, um 7% Framsóknarflokkinn og Flokk fólksins, 6% Vinstri græn og liðlega 4% Sósíalistaflokk Íslands.
Nær 16% taka ekki afstöðu eða vilja ekki gefa hana upp og næstum 9% myndu skila auðu eða ekki kjósa.
Nær 34% þeirra sem taka afstöðu segjast styðja ríkisstjórnina.
Spurt var:
- Ef kosið yrði til Alþingis í dag, hvaða flokk myndir þú kjósa?
- En hvaða flokkur yrði líklegast fyrir valinu?
- Styður þú ríkisstjórnina?
Niðurstöður sem hér birtast um fylgi flokkanna á landsvísu eru úr netkönnun sem Gallup gerði dagana 2. - 31. október 2023. Heildarúrtaksstærð var 10.463 og þátttökuhlutfall var 49,8%. Vikmörk á fylgi við flokka eru 0,6-1,4%. Einstaklingar í úrtaki voru handahófsvaldir úr Viðhorfahópi Gallup.
