Nú stendur fermingatímabilið sem hæst og margir prúðbúa sig fyrir fermingarveislur. Gallup rannsakaði hvaða veislur höfðuðu helst til fólks og það kemur í ljós að almennt finnst fólki skemmtilegast í afmæli hjá fullorðnum en 88% telja það skemmtilega upplifun. Fast á hæla koma útskriftarveislur sem 81% svarenda finnast skemmtilegar. Af þessum veislum finnst á hinn bóginn fæstum skemmtilegt að fara í fermingarveislur en 58% segja það skemmtilegt og 12% telja það beinlínis leiðinlegt. Ef skemmtanagildi fermingaveislna er greint eftir bakgrunnbreytum sést að það eykst eftir aldri svarenda og yngri konur eru ólíklegstar til að skemmta sér í slíkum veisluhöldum.