Litlar breytingar eru á fylgi flokka milli mánaða, eða á bilinu 0,2 – 0,7 prósentustig. Rösklega 24% segjast myndu kjósa Sjálfstæðisflokkinn færu kosningar til Alþingis fram í dag, tæplega 17% segjast myndu kjósa Samfylkinguna, nær 14% Framsóknarflokkinn, um 13% Pírata, rösklega 8% Vinstri græn og sama hlutfall Viðreisn. Rúmlega 5% segjast myndu kjósa Flokk fólksins, 5% Sósíalistaflokk Íslands og sama hlutfall Miðflokkinn.

Fylgi flokka október 2022

Nær 15% taka ekki afstöðu eða vilja ekki gefa hana upp og liðlega 10% segjast myndu skila auðu eða ekki kjósa. Stuðningur við ríkisstjórnina er óbreyttur frá síðustu mælingu en rösklega 49% þeirra sem taka afstöðu segjast styðja hana.

Stuðningur við ríkissstjórn og afstaða október 2022

Fylgistölur eru reiknaðar út frá svörum við fjórum spurningum:

  • Ef kosið yrði til Alþingis í dag, hvaða flokk myndir þú kjósa?
  • En hvaða flokkur yrði líklegast fyrir valinu?
  • Hvort er líklegra að þú kysir Sjálfstæðisflokkinn eða einhvern hinna flokkanna?
  • Styður þú ríkisstjórnina?

Niðurstöðurnar sem hér birtast um fylgi flokkana á landsvísu eru úr netkönnun sem Gallup gerði dagana 3 – 31. október 2022. Heildarúrtaksstærð var 8.267 og þátttökuhlutfall var 49,9%. Vikmörk á fylgi við flokka eru 0,8 - 1,5%. Einstaklingar í úrtaki voru handahófsvaldir úr Viðhorfahópi Gallup.

Nánari upplýsingar um Þjóðarpúls Gallup