Væntingavísitala Gallup hækkar um ríflega 16 stig frá fyrri mánuði og mælist 77,8 stig í júní. Allar undirvísitölur hækka milli mánaða og væntingar til aðstæðna í efnahags- og atvinnumálum eftir sex mánuði mælast yfir 100 stigum í fyrsta sinn í 30 mánuði.

Það að Væntingavísitala Gallup sé á tilteknum tíma 100 (lárétta línan á myndinni) merkir að það eru jafn margir jákvæðir og neikvæðir svarendur. Ef hún er hærri eru fleiri jákvæðir og ef hún er lægri eru fleiri neikvæðir.

Væntingavísitala Gallup er byggð á fimm þáttum:

  • Mati á núverandi efnahagsaðstæðum
  • Væntingum til efnahagslífsins eftir 6 mánuði
  • Mati á núverandi ástandi í atvinnumálum
  • Væntingum til ástands í atvinnumálum eftir 6 mánuði
  • Væntingum til heildartekna heimilisins eftir 6 mánuði

Nánari upplýsingar um Væntingavísitölu Gallup