Ferðamannapúlsinn breytist lítið milli mánaða og stendur í 82,5 stigum af 100 mögulegum en einkunnin í janúar var 83,5 stig. Ef litið er til þess hvernig staðan var fyrir ári síðan þá er Ferðamannapúlsinn marktækt lægri nú en í febrúar 2016 þegar hann mældist 85,6 stig.

Ferðamannapúls 2017_heild


Ferðamannapúlsinn hæstur meðal Bandaríkjamanna

Í febrúar er Ferðamannapúlsinn hæstur meðal ferðamanna frá Bandaríkjunum eða 85,3 stig. Þar á eftir koma Pólverjar með 84,5 stig og þá Danir, Þjóðverjar og Kanadamenn. Ferðamannapúlsinn að þessu sinni er lægstur meðal ferðamanna frá Japan og Írlandi.

Ferðamannapúls febrúar hæstu og lægstu

Allir undirþættir lækkað milli ára

Þegar litið er á mun á undirþáttum Ferðamannapúlsins frá því á sama tíma í fyrra þá hefur mat ferðamanna á því hvort ferðin hafi verið peninganna virði lækkað mest af undirþáttum Ferðamannapúlsins eða um 5 stig. Að sama skapi hafa þeir þættir sem snúa að uppfyllingu væntinga og heildaránægju með Íslandsferðina lækkað um meira en 4 stig frá því í fyrra.

Ferðamannapúls febrúar 2018_undirþættir

* Ferðamannapúlsinn er samstarfsverkefni Isavia, Ferðamálastofu og Gallup og byggja mælingar á netföngum ferðamanna sem fara í gegnum Flugstöð Leifs Eiríkssonar.

Nánari upplýsingar um Ferðamannapúlsinn